طالب دعا: انصر نیپالی
الوداع الوداع اے گل و نسترن
الوداع الوداع مرکز علم و فن
تیرے گلشن میں ہم مسکراتے رہے
پھولوں سے اپنا دامن سجاتے رہے
میرے آنچل میں ہے عظمت فکر و فن
الوداع ،،،،،،،،
الوداع ،،،،،،،،
سب کے جانے کا دکھ بہتے اشکوں میں ہے
درد و غم کا نشاں بھیگی پلکوں میں ہے
سونی سونی ہے کیوں آج بزم سخن
الوداع ،،،،،،،،،،
الوداع ،،،،،،،،،،،
اب کے بچھڑے تو شاید کبھی نہ ملیں
سارے شکوے بھلا کر گلے سے لگیں
سب کے دل میں جدائی کا غم موجزن
الوداع ،،،،،،،
الوداع ،،،،،،،،
کھٹی میٹھی سی یادیں مرے ساتھ ہیں
آپ سب کی دعائیں مرے ساتھ ہیں
جگمگاتا رہے یہ چراغ وطن
الوداع ،،،،،،،،،،
الوداع ،،،،،،،،،،
تم حیادار بن کر کے جیتی رہو
رب کے آگے سدا سر جھکاتی رہو
گھر کی عزت تو بن شمع محفل نہ بن
الوداع ،،،،،،،،،
الوداع ،،،،،،،،،
یا الہی! بنا دے تو عفت مآب
میرے دم سے نہ ہو میرا خانہ خراب
سن لو عصمت کی چادر رہے زیب تن
الوداع ،،،،،،،،،،
الوداع ،،،،،،،،،،
کتنی ہمدرد تھیں میری استانیاں
یاد آئیں گی سب کی مہربانیاں
کیسے بھولوں گی نسواں کا نقش کہن
الوداع ،،،،،،،،،
الوداع ،،،،،،،،،
علم و فن کا دیا جگمگاتا رہے
آگہی کا سفر آگے بڑھتا رہے
کلیہ کی ترقی رہے گامزن
الوداع ،،،،،،،،،
الوداع ،،،،،،،،،
آج انصر بھی رونے سے تھکتا نہیں
راز دل کیا کہوں کوئی سنتا نہیں
غم سے رنجور ہے میرا دل میرا من
الوداع ،،،،،،،،،
الوداع ،،،،،،،،،
ماشاءاللہ ،تبارک اللہ