بیدر 30 اپریل (محمدیوسف رحیم بیدری): جناب شاہ اسمعیل قادری المعروف ایس آئی قادری رحمۃ اللہ علیہ بانی روز نامہ ادبی عکاس بیدر کے نبیرا، و جناب سید بدر الحسن قادری کے فرزند جناب سید توصیف حسن قادری (ایم ایس سی بی ایڈ) کا عقدِ مسعود جناب سید شاہ حبیب اللہ حسینی مالک بینا کلکشن بیدر کی دختر کے ساتھ انجام پایا۔ کل شام 28 اپریل کو مغل گارڈن فنکشن ہال بیدر میں پرتکلف ضیافتِ ولیمہ کا اہتمام کیا گیا۔ تقریب میں علماء کرام، مشائخین، صحافی، سجادگان و متولیان، دوست احباب اور رشتہ داران کی بڑی تعداد نے شرکت کی اور اپنی دعاؤں سے نوازا اور مبارکباد دی۔
جناب سید شاہ ظہور الحسن قادری کی سرپرستی میں جناب سید شاہ سعید الحسن قادری مدیرِ اعلیٰ روز نامہ ادبی عکاس بیدر، محمد حامد، سید کاشف قادری، سید آریب حسین قادری، و قادری برادران و فیملی نے تمام مہمانوں کا استقبال کیا۔
