بیدر۔ 4؍اپریل (محمدیوسف رحیم بیدری): ادارہ محفل رجسٹرڈ کی جانب سے حسب روایت جلسہ تہنیت بروز اتوار بتاریخ 6؍اپریل 2025 بوقت 6؍بجے شام بمقام ڈاکٹر ممتاز احمد خاں میموریل ہال الامین کمبلپوش پرائمری اسکول بنگلور منعقد ہے، جس میں ڈاکٹر محمد اقبال احمد شہباز سابق پروفیسر کیرلا یونیورسٹی کی ادبی خدمات کے اعتراف میں انھیں تہنیت پیش کی جائے گی۔
اس موقع پر عید ملن غیر طرحی مشاعرہ بھی منعقد ہوگا جس میں مقامی شعرائے کرام اپنا کلام پیش کریںگے۔ صدرات جناب محمد عبیداللہ شریف، مدیر اعلیٰ روزنامہ پاسبان، نائب صدر کے پی سی سی اور صدر انجمن ترقی اردو (ہند) کرناٹک کریں گے۔ جناب ملنسار اطہر احمد، سابق ڈائرکٹر ، آل انڈیا ریڈیوکااظہار خیال ہوگا۔جناب مبین منور، ڈاکٹر سید سجادحسین، جناب سید شفیع اللہ، جناب قاسم سہیل احمدقریشی، جناب آر عبدالحمید، جناب الحاج باباجی، جناب غفران امجد،جناب اللہ بخش خان، جناب برکت حسین ، جناب انہر سعودی بطور مہمانان خصوصی کی حیثیت سے شرکت کریں گے۔جناب نیاز الدین نیاز ، صدر ادارہ محفل اور منیر احمد جامی ،معتمدادارہ محفل بنگلور نے تمام سے شرکت کی گزارش کی ہے۔
