بیدر۔ 28؍اپریل (محمدیوسف رحیم بیدری): مراٹھا کرانتی مورچہ کے ریاستی آرگنائزر نارائن گنیش نے حکومت پر زور دیا ہے کہ ریاست میں مراٹھا برادری کو 3B سے 2A کیٹٹیگری میں شامل کیا جائے۔انہوں نے شہر کے چھترپتی شیواجی سرکل سے ڈپٹی کمشنرکے دفتر جاکر ڈپٹی کمشنر کے توسط سے وزیر اعلیٰ کو ایک عرضداشت پیش کی اور میڈیا سے بات کی۔ مراٹھا برادری معاشی، تعلیمی، سماجی اور سیاسی طور پر پسماندہ ہے۔ زمرہ 2A میں ہم سے زیادہ مضبوط کمیونٹیز ہیں۔ اس سے مراٹھوں کے ساتھ ناانصافی ہو رہی ہے۔ قبل ازیں حکومت نے یقین دلایا تھا کہ ذات پات کی مردم شماری کے بعد ان کے مطالبے پر توجہ دی جائے گی۔ اب بھی، پسماندہ کمیشن کی ذات کی مردم شماری کی رپورٹ کے مطابق، مراٹھا برادری ریاست میں تعداد میں کم ہے اور زیادہ تر مراٹھا زرعی مزدور کے طور پر کام کرتے ہیں۔ رپورٹ کے مطابق ریاست میں 16 لاکھ مراٹھا ہیں۔ اس لیے انہوں نے کہا کہ اس کمیونٹی کو 2A میں شامل کیا جائے۔2012 میں حکومت نے پسماندہ طبقات کمیشن سے سفارش کی تھی کہ انہیں 2A زمرہ میں شامل کیا جائے۔ اس کے بعد مراٹھا برادری نے کئی بار احتجاج کیا، لڑائی کی اور حکومت سے اپیل کی، لیکن آج تک اس پر عمل نہیں ہوا ہے۔ کانٹاراجو رپورٹ کے بعد بھی حکومت تذبذب کا شکار ہے۔ اس لیے وزیر اعلیٰ سدارامیاسے ہماری درخواست ہے کہ مراٹھا برادری کو فوری طور پر 2A میں شامل کرتے ہوئے مراٹھوں کو انصاف فراہم کیا جائے۔اس موقع پر مراٹھا کرانتی مورچہ کے کئی سرکردہ لوگ جن میں شیواجی راؤ پاٹل منگنال، بالاجی برادر گنیش پور، وینکٹ چدرے، پردیپ برادار، رنجیت پاٹل شامل تھے۔
