عقیدت کا پُرجوش منظر، جگہ جگہ شاندار استقبال، امن و سلامتی کے لیے خصوصی دعا
لکھنؤ (پریس ریلیز/ابوشحمہ انصاری): قصبہ محمود آباد (سیتاپور) کا تاریخی 91واں جلوسِ محمدی و مدحِ صحابہ پوری شان و شوکت، عقیدت، احترام اور نظم و ضبط کے ساتھ اختتام پذیر ہوا۔ اس موقع پر عقیدت مندوں کا بھاری ہجوم اور عوام کا بڑا اجتماع دیکھنے کو ملا۔ جلوس اپنے مقررہ راستوں سے انتہائی پرامن ماحول میں گزرا اور پورے قصبے میں روحانی و پُرنور کیفیت نظر آئی۔
جلوس میں سرورِ کائنات حضرت محمد مصطفیٰ صلی اللہ علیہ وسلم کی شان میں نعتیں اور مدحِ صحابہ کے کلام پیش کیے گئے۔ راستے بھر مقامی افراد اور مختلف سماجی تنظیموں کی جانب سے پھولوں کی بارش کرکے استقبال کیا گیا، جبکہ عقیدت مندوں اور راہگیروں کے لیے تبرک، چائے، پانی اور ناشتے کے اسٹال بھی لگائے گئے، جو باہمی بھائی چارے اور قومی یکجہتی کی خوبصورت مثال پیش کر رہے تھے۔
جلوس محمود آباد ریلوے اسٹیشن کے صحن سے روانہ ہوکر جامع مسجد پہنچا، جہاں حافظ عبدالعظیم فاروقی اور مولانا عبدالباری فاروقی نے حضراتِ صحابہ رضی اللہ عنہم کے فضائل پر مدلل خطاب کیا۔ انہوں نے کہا کہ صحابہ کرام کی اتباع کرنے والے اللہ تعالیٰ کے نزدیک بہترین لوگ ہیں۔ مقررین نے حضرت ابوبکر، حضرت عمر، حضرت عثمان، حضرت علی، حضرت حمزہ، حضرت معاویہ، حضرت امام حسن، حضرت امام حسین اور حضرت عائشہ رضی اللہ عنہم کی عظمت و شان بیان کی۔
انہوں نے محمود آباد میں اس پروگرام کی تاریخ اور روایت پر بھی روشنی ڈالی اور اسے شروع کرنے والے بزرگوں حضرت مولانا عبدالشکور، حضرت مولانا عبدالعلیم، حضرت مولانا عبدالعلی فاروقی، حاجی درگاہی، حاجی ذاکر، حاجی آفاق اور طیب عثمانی کو خراجِ عقیدت پیش کرتے ہوئے ان کے لیے دعا کی۔ پروگرام کی نظامت حافظ ابوہریرہ عثمانی نے کی، جبکہ جامع مسجد کے امام قاری فہیم الدین ندوی نے تلاوتِ کلامِ پاک کی سعادت حاصل کی۔
جلوس کا افتتاح ایاز صدیقی (صدر شہمنہ یوتھ)، عامر قریشی (لکھنؤ)، مولانا حبیب قاسمی، مولانا خطیب فتح پور، جمال فیضی، مولانا عثمان قاسمی، مولانا رئیس قاسمی، مولانا قاسم عثمانی، مولانا ذیشان تولشمپور، قاری بلال لکھنوی، جمیل لکھنوی، نور احمد نور لکھنوی، فردوس راعینی، محمد یاسر عرف شانو، طارق خان ایڈوکیٹ (سیکریٹری میلاد کمیٹی)، ڈاکٹر وہج القمر، عامر عرفات (صدر)، اشتیاق شاد (نگر صدر)، اجے دویدی، حاجی وصی (نائب سیکریٹری)، کلام راعین (صدر میلاد کمیٹی)، عبدالقَیوم کوٹا، حاجی سیف الاسلام، معراج ہاشمی، حاجی سعیدالدین، ماسٹر ہارون، امتیاز ہاشمی، محمد وصی شاعر، عبدالقوی (سابق سیکریٹری)، حافظ عبداللہ خان (کانگریسی لیڈر)، طارق ایڈوکیٹ، امتیاز حسین، آصف سعید، مسعود غازی، عبدالحفیظ (بدھئی)، ڈاکٹر نظام الدین آزاد، حافظ عتیق، مولانا قاسم، حافظ فضل الباری، محمد انصار یاسین، علی عبداللہ خان، انوار حسین، معراج احمد اور قمر علی (کونسلر) کی موجودگی میں ہوا۔
اس کے بعد تمام مہمان مدرسے تک قائم مختلف اسٹالوں پر پہنچے۔ محمود آباد کی ایم ایل اے آشا موریہ، آکاش موریہ، بی ایس پی امیدوار میثم عمار رضوی اور کاشف انصاری (سابق لوک سبھا امیدوار) بھی قصبے کے مختلف مقامات پر پہنچے۔ اسٹال لگانے والوں میں حافظ ابوطَلحہ، سفیان، شاداب انصاری، محفوظ زبیر، حذیفہ، فیروز، ذیشان احمد خان، داؤد انصاری، راجہ ہاشمی، آصف ہاشمی، عبدالمطلب ہاشمی، جنید اندھیری، انس اندھیری، کفیل انصاری، ٹیپو لائٹ، آفتاب انصاری، شانو ہمالیہ، ببل خان، نسیم، بھورے، نیاز، غفران، سلیمان انصاری، ڈاکٹر سہیل فاروقی و ان کی ٹیم، عامر عرفات (صدر نگر پالیکا پریشد)، چھوٹو ماما، ہارون ماسٹر، زید صدیقی، ماسٹر افتخار، محمد اشفاق (ممبر ضلع پنچایت)، محمد عامر انصاری، محمد سلمان کاظمی، نگر پالیکا کے تمام کونسلرز، رشید کامرین، دانش ہاشمی، قاری رضی عالم، حافظ عرفان لوہنگپور، جاوید ہاشمی، ایاز انجم فاروقی، حذیبی بھائی اور آزاد رائین سمیت مختلف افراد اور انجمنوں نے استقبال کیا۔
چکمنڈی پر عرفان انصاری اور ان کی ٹیم کی جانب سے لوگوں کو انعامات دیے گئے، جبکہ ندیم احمد (سابق صدر عہدہ امیدوار) نے بھی اپنی ٹیم کے ساتھ انجمنوں کو انعام و اکرام سے نوازا۔ جلوس بعد ازاں مقررہ راستوں سے ہوتا ہوا ٹھٹھیری بازار پہنچ کر اختتام پذیر ہوا۔
جلوس میں محمود آباد، صدرپور، فتح پور، صورت گنج، رام نگر، بڈھول، کرسی، بلہرا، بھٹوا مئو، رام پور متھرا اور لکھنؤ سے تقریباً 35 سے 40 انجمنوں نے شرکت کی۔ انجمنوں نے ایاز صدیقی کی قیادت میں نعت و مدحِ صحابہ پیش کرتے ہوئے مقررہ مقامات پر شرکت کی۔
جلوس کی سیکیورٹی کے لیے سب ڈویژنل مجسٹریٹ (ایس ڈی ایم) محمود آباد اور ان کی ریونیو لیکھ پال ٹیم، ایڈیشنل ایس پی درگیش سنگھ، سی او کپور کمار، سی او وید پرکاش شریواستو، کوتوالی انچارج ستیندر وکرم سنگھ، کرائم انسپکٹر انیل سنگھ، کرائم انسپکٹر اکشے پرتاپ سنگھ، کرائم انسپکٹر دیا شنکر سنگھ، رام پور متھرا انسپکٹر مکیش ورما، رام پور کلاں للّا گوسوامی، صدرپور اشوتوش مشرا سمیت کئی تھانوں کی فورس، محمود آباد کے تمام ایس آئی، قصبہ انچارج، سپاہی اور دیوان موجود رہے۔ منتظمین اور رضاکاروں نے بھی انتظامیہ کے ساتھ مکمل تعاون کیا، جس کے باعث جلوس پرامن طور پر اختتام پذیر ہوا۔
اختتام پر ملک و دنیا میں امن و سلامتی، باہمی اتحاد اور ہم آہنگی کے لیے خصوصی دعا کی گئی۔ اختتامی موقع پر ابوہریرہ عثمانی اور قاسم عثمانی نے نظامت کے فرائض انجام دیے۔
