ذکی طارق بارہ بنکوی
گالی بھی مجھ کو حسن بیانی ہے ان دنوں
یوں طبع گیر ایک جوانی ہے ان دنوں
حیرت کی بات ہے کہ جو مہمل رہا سدا
اس کی ہی ذات بحرِ معانی ہے ان دنوں
جو باعثِ خوشی مری خاطر کبھی تھی یار
غمناک ہر وہ تیری نشانی ہے ان دنوں
اک حسنِ شاہکار کی قربت سے دوستو
خوں میں مرے بلا کی روانی ہے ان دنوں
گھر پر رہوں تبھی تو ملوں آپ سب کو میں
پیہم ہی میری نقلِ مکانی ہے ان دنوں
اے یار کچھ بتا یہ مجھے کیا ہے ہو گیا
دل پر مرے عجب سی گرانی ہے ان دنوں
تبدیل جبرِ وقت سے قدرت کا ہے نظام
جسموں میں اپنے خوں نہیں پانی ہے ان دنوں
سنتے ہو اپنے عشق کی معراج ہو گئی
اپنی ہی ہر زباں پہ کہانی ہے ان دنوں
۔۔۔۔۔۔۔۔۔۔۔۔۔۔۔۔۔۔۔۔۔
ذکی طارق بارہ بنکوی
ایڈیٹر ہفت روزہ "صدائے بسمل، بارہ بنکی، یوپی، انڈیا
فون نمبر:- 7007368108
