سدھارتھ نگر: اترپردیش میں الا مداد چیریٹیبل ٹرسٹ (AICT) نے اتر پردیش کے مختلف علاقوں میں 2000 فوڈ پیکٹ تقسیم کیے ہیں۔ یہ فوڈ پیکٹس خصوصی طور پر غرباء اور مستحقین کے لئے تیار کیے گئے تھے تاکہ ضرورت مند خاندانوں کی مدد کی جا سکے۔ اس فلاحی کام سے ان لوگوں میں خوشی اور سکون کا احساس پیدا ہوا ہے جو اس وقت معاشی مشکلات کا سامنا کر رہے ہیں۔
ٹرسٹ کے نمائندوں کے مطابق، یہ اقدام معاشرتی ذمہ داری کے تحت کیا گیا ہے تاکہ غربت اور بھوک کے خاتمے کے لئے ایک مثبت قدم اٹھایا جا سکے۔ الا مداد چیریٹیبل ٹرسٹ (AICT) آئندہ بھی ایسی فلاحی سرگرمیاں جاری رکھنے کا ارادہ رکھتا ہے تاکہ زیادہ سے زیادہ لوگوں کی مدد کی جا سکے۔
