چٹگوپہ۔ 14؍جون (محمد عبدالقدیر لشکری): فیلڈ ایجوکیشن آفیسر(بی ای او ) ہمناآباد جناب وینکٹیش ایس گوڈاڑنے کہا ہے کہ 1109 طلباء نے ایس ایس ایل سی کے امتحان نمبر2 میں کامیابی حاصل کی ہے۔اسٹیٹ اسکول ایگزامینیشن اینڈ ایویلیوایشن بورڈ نے آج ایس ایس ایل سی امتحان-2 کے نتائج کا اعلان کیا ہے۔ امتحانات 26 ؍مئی سے 2؍ جون تک منعقد ہوئے تھے۔ تعلقہ ہمناآباد کے کل 2912 طلبہ نے امتحان میں شرکت کی جن میں سے 1109 طلبہ کامیاب ہوئے۔ ان میں سے 1591 لڑکوں نے امتحان دیا جن میں سے 541 طالب علم پاس ہوئے اور 1321 لڑکیاں امتحان میں شریک ہوئیں جن میں سے 568 لڑکیاں پاس ہوئیں۔ پاس ہونے کا مجموعی تناسب 38.08 ہے جو کہ ضلع میں دوسرے نمبر پر ہے۔اگر ہم میڈیم وار نتائج پر نظر ڈالیں تو کنڑ میڈیم میں 37.80 فیصد، انگلش میڈیم میں 46.01 فیصد، اردومیڈیم میں 30.75 فیصد اور مراٹھی میڈیم میں 23.53 فیصد فیل ہوئے ہیں۔اور اگر مضمون کے لحاظ سے نتائج دیکھیں تو پہلی زبان میں 67.20 فیصد، دوسری زبان میں 59.72 فیصد، تیسری زبان میں 74.48 فیصد، ریاضی میں 61.54 فیصد، سائنس میں 61.85 فیصد اور سوشل سائنس میں 70.78 فیصد پاس ہوئے ہیں۔ ابھی بھی ان طلباء کے لیے ایک موقع ہے جنہوں نے امتحان-1 اور امتحان-2 کے لیے رجسٹریشن کرائی ہے لیکن وہ حاضر نہیں ہوئے،ایسے طلبہ جوپچھلے سال ناکام رہے ہیں اور اپنے نتائج کو بہتر کر ناچاہتے ہیں۔ ایس ایس ایل سی امتحان -3 جولائی 2025 میں منعقد کیا جائے گا۔ اب رجسٹریشن کی اجازت دی گئی ہے اور فیلڈ ایجوکیشن آفیسر(بی ای او) وینکٹیش گوڈاڑ نے اخبارات کو جاری کردہ اپنے بیان میں یہ بات بتائی۔
