بیدر۔ 7؍اگست (محمدیوسف رحیم بیدری): گرو نانک پبلک اسکول اوراد (بی) نے آج بروز جمعہ مورخہ 7-8-2026 طلباء کے نمائندوں کے لیے حلف برداری کی تقریب کا اہتمام کیا۔پروگرام کا آغاز چراغاں سے ہوا۔ بچوں کی جانب سے جلوس نکالا گیا۔ اس کے بعد نو منتخب ہیڈ بوائے سارتھک گیانوبا، ہیڈ گرل سیرت راجیش کمار اور ڈپٹی ہیڈ بوائے شیخ فیضان رئیس اور ڈپٹی ہیڈ گرل چترالی ہنسراج کو منتخب کیا گیا۔ ادارہ کی نائب صدر ڈاکٹر ریشما کورا نے اپنا عہدہ سنبھالا۔اس پروگرام کے مہمان خصوصی اورادتعلقہ کے سی پی آئی رگھویر سنگھ ٹھاکر تھے۔ انہوں نے خطاب کرتے ہوئے طلباء پر زور دیا کہ وہ فعال سیکھنے والے بنیں، مثبت رویہ رکھیں اور آنے والے کل کے اچھے شہری بننے کے لیے اپنے فرائض کی ادائیگی کے لیے تیار رہیں۔ انہوں نے کہا کہ آپ ملک کا مستقبل ہیں، آپ کو اسکول سے خدمت شروع کرنی چاہیے اور مستقبل میں ملک کی خدمت کے لیے تیار رہنا چاہیے۔ اگر آپ مستقبل میں کچھ بننا چاہتے ہیں تو ابھی سے محنت شروع کر دیں۔انھوں نے یہ بھی بتایاکہ ماحول کے تحفظ کے لیے ہر کسی کو پہل کرنی چاہیے اور زمین پر رہنے والے تمام جانداروں کو صاف ہوا، پانی اور مٹی کی ضرورت ہے۔ اس سلسلے میں سب کو ماحول کی حفاظت اور پودے اگانے کے لیے پہل کرنی چاہیے اور کہا کہ ہر طالب علم کو اپنی ماں کے نام پر ایک پودا لگانا چاہیے اور اس کی پرورش کرنی چاہیے۔
پروگرام کی صدارت کرنے والی محترمہ ریشما کور نے خطاب کرتے ہوئے کہا کہ بچوں کو محنتی انسان بننا چاہیے۔ ان کا ایک اچھا مقصد ہونا چاہیے اور مقصد کے بغیر آگے نہیں بڑھ سکتے۔ والدین کے خواب کو سچ کرنے کے لیے اچھے طریقے سے عمل کرنا چاہیے۔ طلبہ کو نظم و ضبط کی راہ پر چلنا چاہیے۔ ان میں انسان دوستی کا جذبہ ہونا چاہیے۔ انہیں پڑھنے کی عادت ڈالنی چاہیے۔ انہیں اپنے ارد گرد کے ماحول کو صاف ستھرا رکھنا چاہئے اوراپنے استادہ اور بزرگوں کا احترام کرنا چاہئے۔ اس موقع پر شری نانک جھیرا صاحب فاؤنڈیشن کے صدر ڈاکٹر ایس بلبیر سنگھ، پرنسپل دینا جیوتی، اسکول کے بچے اور عملہ موجود تھا۔یہ بات ایک پریس نوٹ جاری کرکے کہی گئی ہے۔
