کوہیر دکن 17/ ستمبر(مشرقی آواز جدید): ریاستی حکومت ہر اس شخص کو طبی بیمہ فراہم کرے گی جو اہل ہے، اور ریاستی حکومت ان لوگوں کو چیف منسٹر ریلیف فنڈ کی شکل میں امداد فراہم کرے گی جو بیمار پڑتے ہیں اور اپنے خرچ پر پرائیویٹ اسپتال میں بہتر علاج کی کوشش کرتے ہیں، یہ بات سابق تلنگانہ IDC چیئرمین محمد تنویر نے کہی۔ بدھ کو آئی ڈی سی کے سابق چیئرمین نے کوہیر ٹاؤن کا دورہ کرتے ھوئے فیض سکندر کے والد پاشو میاں کو ان کی رہائش گاہ پر کوہیر میونسپل چیئرمین، وائس چیئرمین عبدالحنان جاوید اور ٹاؤن کے صدر میر مظفر حسین کے ہمراہ 30,000 روپے کا سی ریلیف فنڈ چیک دیا۔
واضح رہے کہ اس پروگرام میں وائس چیئرمین عبدالحنان جاوید، ٹاؤن کانگریس صدر مظفر حسین، محمد حمید، عمران کوہیری، مستحقین اور دیگر نے شرکت کی۔۔۔۔۔
