محمد مرتضیٰ سلفی
استاذ دارالعلوم ندوة العلماء لکھنؤ
تو سیرتِ رسول و پیمبر تلاش کر
حسنِ عمل میں اپنا مقدر تلاش کر
فوز و فلاح کی ہے اگر جستجو تجھے
ہر مسئلے میں اسوۂ اطہر تلاش کر
تھک ہار بیٹھ جانا یہ تیری روش نہیں
موتی کے جستجو میں سمندر تلاش کر
کذب و انا و ظلم سے سو بار الحذر
صدق و صفا کا وصف معطر تلاش کر
خود تھے پیادہ پا وہ، غلام اونٹ پر سوار
لللہ ایسا قائد و رہبر تلاش کر
ظلمت و تیرگی کو جو یکسر پچھاڑ دے
راغب بہ شوق وہ مہ و اختر تلاش کر
