(دکنی ٹچ کے ساتھ)
میربیدری، بیدر،کرناٹک
قصہ تمام اُن کو کردیناتھا
دیش کو نفرت سے بھر دیناتھا
کنٹلوں سے نفرت کے انگارے
کوئی لیں ، یانہ لیں ، پر دینا تھا
کیوں معذور کئے پیسوں سے گر
ہٹے کٹوں کو گھر دینا تھا
بچے ہاتھ سے نکلے ، سمجھ آیا
اُن کو اللہ کا ڈر دینا تھا
یہ قانون ِ وقف، عجب آیا
دھرنے پو ہیں ہم، سر دینا تھا
جیت ہماری تھی ، ڈٹے رہ رہ کر
ہم نقصان اپنا کر دینا تھا
لڑکا دیا رب نے لیکن افسوس
مادہ نئیں منجے ، نر دینا تھا
ہونا کُچ بی نئیں میرے اللہ
میکو بھی بال و پر دینا تھا
