دعوت فکرو عمل: انصر نیپالی
قدم بڑھاؤ ساتھیو یہ” دلی ” کی پکار ہے
اٹھو چلو کہ کانفرنس میں سب کا انتظار ہے
قدم قدم بلائیں ہیں کبھی نہ مڑ کے دیکھنا
عزیمتوں کی راہ میں کبھی نہ تھک کے ہارنا
اٹھا کے عہد ماضی دیکھو کتنا شاندار ہے
قدم بڑھاؤ ،،،،،
اٹھو چلو،،،،،،،،
تم ہی ہو نازش جہاں ،تم ہی ہو حق کے ترجماں
چلو صفوں کو توڑ کے تم ہی ہو بحر بیکراں
یہ ” مرکزی جمعیت’ کی مثالی شاہکار ہے
قدم بڑھاؤ ،،،،،،
اٹھو چلو ،،،،،،،،
ہمیں نہ روک پائنگی یہ تند و تیز آندھیاں
نکل پڑا ہوں گھر سے میں ڈرائے نہ یہ بجلیاں
متاعِ شوق ہے جواں یہ عزم پائدار ہے
قدم بڑھاؤ ،،،،،
اٹھو چلو ،،،،،،
روش روش ہے نفرتیں ،جراحتیں ،قیامتیں
سسک رہی ہے آدمی کی عظمتیں ،لطافتیں
دھواں دھواں ہیں بستیاں فضاؤں میں غبار ہے
قدم بڑھاؤ ،،،،
اٹھو چلو ،،،،،
سنیں گے اور سنائینگے ہم عظمتوں کی داستاں
مثالی امن لائینگے مذاہبوں کے درمیاں
گلوں میں حسن تازگی فضا بھی سازگار ہے
قدم بڑھاؤ ،،،،،
اٹھو چلو ،،،،،،،
یہ کانفرنس سب کا ہے سبھی کو ساتھ لائینگے
جوانوں آؤ تو سہی نگاہ و دل بچھائنگے
چلے چلو کہ انصر بھی وہاں کا رضآ کار ہے
قدم بڑھاؤ ،،،،،
اٹھو چلو ،،،،،،
