بیدر۔ 5؍اگست (محمدیوسف رحیم بیدری): کرناٹک میڈیا اکیڈمی، انفارمیشن اینڈ پبلک ریلیشن ڈیپارٹمنٹ، بیدر کے اشتراک سے کلیان کرناٹک ڈویژنل سطح کا میڈیا ٹریننگ پروگرام 6 ؍اگست کو صبح 10 بجے گرو نانک انجینئرنگ کالج آڈیٹوریم، بیدر میں منعقد کیا گیا ہے۔اس پروگرام کا افتتاح جنگلات، ماحولیات اور حیاتیات کے وزیر اور بیدر ضلع انچارج مسٹرایشور کھنڈرے کریں گے۔پروگرام کی صدارت میونسپل ایڈمنسٹریشن اور حج کے وزیر رحیم خان کریں گے۔ مہمان خصوصی ڈاکٹر اجے دھرم سنگھ،چیرمین کلیان کرناٹک ایریا ڈیولپمنٹ بورڈاور جیورگی اسمبلی حلقہ کے ایم ایل اے ہوں گے۔پروگرام میں تعارفی تقریر محترمہ عائشہ خانم، کرناٹک میڈیا اکیڈمی کی صدر کریں گی۔
پروگرام کے مہمان خصوصی بیدر لوک سبھا کے رکن ساگر ایشور کھنڈرے، اوراد (بی) کے ایم ایل اے پربھو چوہان، بسواکلیان ایم ایل اے شرنو سلگر، بیدر جنوب کے ایم ایل اے ڈاکٹر شیلندر بیلداڑے، ہمنا آباد کے ایم ایل اے ڈاکٹر سدھالنگپا این پاٹل اور قانون ساز کونسل کے ایم ایل اے ڈاکٹر چندر شیکھر بی پاٹل، بھیم راؤ پاٹل ، ایم جی مولے اور کرناٹک فشریز ڈیولپمنٹ کارپوریشن کے چیئرمین مالا نارائن راؤ، بیدر میونسپل کونسل کے چیئرمین محمد غوث، بیدر اربن ڈیولپمنٹ اتھارٹی کے چیئرمین بسواراج جابشٹی، بیدر گرو نانک انجینئرنگ کالج اوربیدر شری نانک جھیرا صاحب فاؤنڈیشن کے صدر ڈاکٹر ایس بلبیر سنگھ، ، بیدر کی ڈپٹی کمشنر شلپا شرما، بیدر ضلع پنچایت کے چیف ایگزیکٹو آفیسر ڈاکٹر گریش بدولے، سپرنٹنڈنٹ آف پولیس بیدر پردیپ گنٹی،بیدر ضلع پنچایت کے سپرنٹنڈنٹ افسر اور دیگر افسران موجود رہیں گے۔ سیشن -1 ”نیوز روم میں A1 اور میں” ریسورس پرسن: سینئر صحافی اور میڈیا کنسلٹنٹ ایس کمار کریں گے۔ سیشن-2 ”خبروں میں درستگی اور مؤثر ابلاغ” ریسورس پرسنز: پروفیسر سپنا ایم ایس، ڈائریکٹر، EMRC اور پروفیسر، شعبہ صحافت اور کمیونیکیشن، یونیورسٹی آف میسور پیش کریں گے۔پروگرام کی نظامت محترمہ ایس رشمی، رکن کرناٹک میڈیا اکیڈمی کریں گی۔
