بیدر۔ 10 ستمبر (محمدیوسف رحیم بیدری): سینئر سول جج اور ضلع قانونی خدمات اتھارٹی کے ممبر سکریٹری پرکاش ارجن بنسوڈے نے منگل کو نہرو اسٹیڈیم سے BVB کالج گیٹ تک ضلع سطح پر HIV/AIDS بیداری کا مہینہ منانے کے لیے منعقد کی گئی بائیک ریلی کا افتتاح کیا اور کہا کہ HIV/AIDS کے بنیادی مقصد پر بات کرنے کیلئے سب کو ملنا چاہیے۔ ڈسٹرکٹ ایڈز کنٹرول آفیسر ڈاکٹر انیل کمار چنتامنی نے کہا کہ ایچ آئی وی/ایڈز کے بارے میں لوگوں میں بیداری پیدا کرنے سے بدنامی اور امتیازی سلوک کو ختم کرنے میں مدد مل سکتی ہے۔ڈیاپکو، آئی سی ٹی سی ، اے آرٹی ، ڈی ایس آرسی ، ایس آر ایل ، بلڈ اسٹوریج ، ایل بی ای ایس ایس ٹی پی آر ڈی ایس اسٹاف کے کل 60 بائیکرز اور عملے نے اس بائیک ریلی میں حصہ لیا۔ اس موقع پر بیدر ڈسٹرکٹ لیپروسی ایریڈیکیشن آفیسر ڈاکٹر کرن پاٹل، ڈسٹرکٹ سرویئر ڈاکٹر ایس بوما، تعلقہ ہیلتھ آفیسر ڈاکٹر سنگاریڈی اور دیگر موجود تھے۔اس بات کی اطلاع سرکاری ذرائع نے دی ہے۔
