بجٹ 2019 پر پریانک کھرگے کا ردِ عمل
کلبرگی یکم / فروری (ڈاکٹر ماجد داغی): ہم نے مرکزی حکومت کے اس طرح کے دس بجٹ دیکھے ہیں۔ تمام بجٹ میں صرف اعلانات ہوتے ہیں، لیکن ایسا کچھ بھی نہیں ہے جس سے عوام کو خاطر خواہ فائدہ ہو۔ اس بات کی شکایت مسٹر پریانک کھرگے ضلع انچارج وزیر کلبرگی نے اخباری نمائندوں سے بات کرتے ہوئے کی، انہوں نے کہا کہ مزدوروں، خواتین، نوجوانوں، انکم ٹیکس دہندگان، ایس ایم ایز، ایم ایس ایم ایز، اسٹارٹ اپس کو مناسب رسپانس نہیں ملا ہے۔ وہ انکم ٹیکس سلیب کے بارے میں بات کر رہے ہیں۔ اس سے پہلے انہوں نے جی ایس ٹی اور انکم ٹیکس کے بارے میں بات کی تھی۔ اب تک انہوں نے ٹیکس کے نظام کو مناسب طریقے سے نہیں اپنایا ہے۔ مرکز کی کون سی اسکیم مکمل طور پر کامیاب رہی ہے؟ اسٹارٹ اپ انڈیا اسکیم کے تحت نو سال قبل 20 ہزار روپے کا اعلان کیا گیا تھا اور اب تک صرف 454 کروڑ روپے دیے گئے ہیں۔ وہ فینسی الفاظ کا استعمال کرتے ہوئے اعلانات کرنے میں سب سے آگے ہیں۔ لیکن بنیادی سطح پر عمل درآمد صفر ہے۔ ان کے پاس پیسے نہیں ہیں۔ کرناٹک میں جل جیون مشن کے تحت 3500 کروڑ روپے دیئے جانا تھا تاہم صرف 500 کروڑ روپے ہی دیے گئے ہیں۔ جب ہم پوچھتے ہیں، تو وہ کہتے ہیں کہ ہمارے پاس پیسے نہیں ہیں۔ ریاستی حکومت مرکزی حکومت کی ذمہ داری نبھا رہی ہے تاکہ کام رک نہ جائے۔ ہم نے بقیہ 3000 کروڑ روپے جاری کیے ہیں۔ مرکزی حکومت کا بجٹ بڑے اعلانات تک محدود ہے۔ لیکن ان کا کامل نفاذ کبھی نہیں ہوا۔
