کلبرگی 18/ جنوری. (ڈاكٹر ماجد داغی): کلیان کرناٹک ہوراٹا سمیتی کی جانب سے حال ہی میں احاطہ شری شرن بسویشورا ٹمپل کے خصوصی آڈیٹوریم میں منعقدہ اجلاس میں لئے گئے فیصلوں کے اعلان کے فوری بعد رکن پارلیمان کلبرگی مسٹر رادھا کرشنا دوڈمنی نے کلیان کرناٹک ہوراٹا سمیتی کے عہدیداران سے فون پر بات کرتے ہوئے تیقن دیا کہ مرکزی حکومت کے اعلان کے مطابق میگا ٹیکسٹائل پارک، چارلین سڑکیں، بھارت مال ہائی وے، کلبرگی میں سیکنڈ رنگ روڈ، گدگ-واڑی ریلوے لائن، وغیرہ کاموں کے مقررہ وقت پر نفاذ کے لئے وہ علاقہ کے دیگر اراکین پارلیمان کے موثر اجتماعی نمائندگی کے ذریعے کلبرگی ریلوے ڈویژنل آفس، ایمس کا قیام، بیدر-کلبرگی سے نئی ٹرینیں شروع کرنے، اپر کرشنا پروجیکٹ جیسے زیر التوا مطالبات کو مرکزی حکومت کے ذریعے مکمل کرنے جدوجہد کی جائے گی۔ علاقہ کلیان کرناٹک سے تعلق رکھنے والے چھ لوک سبھا ممبروں کی ایک میٹنگ کے انعقاد کی کوشش کی جارہی ہے. کلیان کرناٹک خطے میں عدم توازن کو دور کرنے کے لئے مرکزی حکومت سے خصوصی پیکیج کے مطالبے سمیت فلاح و بہبود کی تعمیری پیشرفت کے لئے مرکزی حکومت کے بارے میں اپنی اجتماعی سیاسی خواہش کا اظہار کرینگے ، ایم پی رادھا کرشن دوڈمنی نے بتایا کہ اس سلسلے فوری طور پر کلیان کرناٹک سے ممبران پارلیمنٹ کا اجلاس منعقد کیا جائے گا اور اس سلسلے میں مرکزی حکومت کو ایک سرکاری تجویز پیش کریں گے۔ اسی طرح کلیان کرناٹک ایریا ڈیولپمنٹ بورڈ کے چیئرمین ڈاکٹر اجئے سنگھ سے تبادلہ خیال کا ذکر کرتے ہوئے کہا کہ کلیان کرناٹک ہوراٹا سمیتی نے اجے دھرم سنگھ سے کلیان کرناٹک ایریا ڈیولپمنٹ بورڈ کی جانب سے کلیان کی تعمیری ترقی کے لئے مرکز پر سرکاری دباؤ ڈالیں ، اسی طرح انہوں نے یہ بھی یقین دلایا کہ بورڈ مرکزی حکومت کو ایک تجویز پیش کرے گا۔ سمیتی نے لوک سبھا رکن رادھا کرشن دوڈمنی کو 13 مطالبات کی تجویز ارسال کی ہے، جنہوں نے آئندہ مرکزی بجٹ میں ترقیاتی امور پر باضابطہ نمائندگی کرینگے اور انہیں خوشی ہے کہ کلیان کرناٹک کے ممبران پارلیمنٹ نے ایکشن کمیٹی کو ایوان میں بھی فلاحی ترقیاتی امور پر ٹھوس دباؤ ڈالنے کے بارے میں مطلع کیا ہے۔ کلیان کرناٹک ہوراٹا سمیتی کے اعزازی صدر بسوراج دیش مکھ نے کہا، ‘کلیان کرناٹک ہوراٹا سمیتی نے ایک بار پھر مرکزی حکومت کو متنبہ کیا ہے کہ اگر مرکزی حکومت نے اس سال کے بجٹ میں دفعہ 371 (جے) کے خصوصی مراعات کے تحت پسماندگی اور خصوصی حیثیت پر مثبت ردِعمل نہیں دیا تو بڑا قدم اٹھانے میں ہچکچاہٹ محسوس نہیں کرے گی کیونکہ سمیتی نے پہلے ہی مستقبل میں کلیان کرناٹک کے لوگوں میں مرکز کے سوتیلے سلوک کے بارے میں لڑائی جاری رکھنے اور بیداری پیدا کرنے کا فیصلہ کیا ہے۔ کلیان کرناٹک ہوراٹا سمیتی کے اعزازی صدر بسوراج دیش مکھ اور بانی صدر ڈاکٹر لکشمن دستی، آر کے اڑگی اور ڈاکٹر ماجد داغی نے کہا کہ کلیان کرناٹک ہوراٹا سمیتی ایک بار پھر مرکزی حکومت کو متنبہ کرتی ہے کہ وہ مداخلت کرنے سے نہیں ہچکچائے گی۔
