گلبرگہ۔27؍اگست (محمدیوسف رحیم بیدری): جناب عبدالقیوم سالار جنگ کی اطلاع کے بموجب بتاریخ 26؍ اگست کو البصریٰ فنکشن ہال روضہ مارکٹ گلبرگہ میں نومنتخبہ ڈپٹی مئیرجناب عبدالرحیم مُلّاں شیخ روضہ اور کارپوریٹر س جناب عبدالعظیم شیرینی فروش چیئر مین ٹائون پلاننگ، جناب محمد غوث متے موڑوچیئرمین فینانس کمیٹی ، جناب عالمدار زیدی اور حضرت مولانا حافظ سیدمحمد حسینی صاحب تیغ برہنہ کی گلپوشی و شالپوشی کرتے ہوئے تہنیت پیش کی گئی ۔ بعدازاں جناب شیخ عبدالسلام یداللہ کالونی اور جناب عبدالقیوم سالارجنگ کی جانب سے پُر تکلف عشائیہ کا اہتمام کیا گیا۔
اس موقع پرجناب عبدالصمد سالارجنگ ، حاجی محمدعبدالقدیر سالارجنگ ، حاجی محمد عبدالعزیز صاحب سالارجنگ ، جناب محمد محسن چوہے ، محمد بدرالدین شاہ قادری الاعجازی الجنیدی صاحب منااکھیلی، جناب عبدالنعیم سالارجنگ، مولانا محمد مخدوم شاہ الجنیدی صاحب ، جناب محمد ابوالفیض جنیدسالارجنگ کے علاوہ کثیر تعداد میں دوست و احباب نے شرکت کرتے ہوئے مبارکبادپیش کی ۔اس بات کی اطلاع جناب شیخ شہباز نے دی ہے۔
