گلبرگہ میں جشن شیخ دکنؒ و اجتماعی شادیوں کا انعقاد
گلبرگہ ۔2؍جنوری (محمدیوسف رحیم بیدری): جناب عبدالقیوم سالارجنگ کی اطلاع کے بموجب تقدس مآب حضرت شیخ شاہ محمد افضل الدین جنیدی سراج بابا صاحب قبلہ سجادہ نشین بارگاہ حضرت شیخ دکنؒ گلبرگہ کے زیر صدارت 9رجب المرجب 1446ھ م 10جنوری 2025ء بروز جمعہ بمقام سماع خانہ بارگاہ حضرت شیخ دکن ؒ گلبرگہ میںحضرت جنید بغدادیؒ کانفرنس ، جشن شیخِ دکنؒ و اجتماعی شادیوں کا انعقاد عمل میں آئے گا۔ بعد نمازعصر تقریب پرچم کشائی پرچم غوثیہ ہوگی۔ بعدنمازِ مغرب اجتماعی شادیوں کی تقریب منعقد ہوگی۔ نکاح کے فوراً تناول طعام کا اہتمام رہے گا۔ بعد نمازِ عشاء عظیم حضرت جنیدبغدادی کانفرنس کا انعقاد عمل میں آئے گا۔ کانفرنس کا آغاز فضیلت مآب حضرت شیخ شاہ محمد طاہر علائو الدین جنیدی طاہر بابا صاحب قبلہ (خلف اکبر و جانشین حضرت سجادہ نشین بارگاہ حضرت شیخ دکنؒ ) کی قرأتِ کلامِ پاک سے ہوگا۔تقدس مآب حضرت سیّد شاہ حسن شبیر حسینی عقیل بابا صاحب قبلہ سجادہ نشین روضہ منورہ خورد گلبرگہ ، تقدس مآب حضرت سید شاہ عامر سقاف مقبل سادات قادی صاحب قبلہ سجادہ نشین بارگاہ حضرت سقافیہ روضہ بیجاپور، تقدس مآب حضرت سیّد شاہ حسام الدین حسینی تیغ برہنہ ہاشم پیر صاحب قبلہ سجادہ نشین بارگاہ حضرت تیغ برہنہ گلبرگہ ، تقدس مآب حضرت سیّد شاہ ہدایت اللہ قادری صاحب قبلہ سجادہ نشین بارگاہ حضرت سیّد حیات اللہ بادشاہ قادریؒ عملی محلہ گلبرگہ شریف ، تقدس مآب حضرت سیّد شاہ مصطفی قادری صاحب قبلہ سجادہ نشین بارگاہ حضرت سیّد شاہ خلیفتہ الرحمن قادریؒ ملکھیڑ شریف، تقدس مآب حضرت سیّد شاہ مختا ر پیراں توکلی صاحب قبلہ سجادہ نشین انب روضہ، فضیلت مآب حضرت سیّد خلیل اللہ حسینی صاحب قبلہ برادر سجادہ نشین گلسرم شریف ، تقدس مآب حضرت سیّد شاہ سراج الدین حسینی صاحب قبلہ سجادہ نشین بارگاہ حضرت کٹہ نوازؒ بحیثیت مہمانانِ خصوصی شرکت فرمائیں گے ۔ مہمانِ مقرر کی حیثیت سے حضرت علامہ مولانا محمد احمد نقشبندی الجنیدی صاحب بانی و امیر تحریک صدائے اسلام حیدرآباد اور میزبان مقرر کی حیثیت سے حضرت مولانا حافظ و قاری شاہ محمد فخر الدین صاحب مانیال خطیب و امام مسجد بارگاہ حضرت شیخ دکنؒ خطاب فرمائیں گے ۔ کانفرنس کی نظامت کے فرائض معروف ناظم جلسہ جناب خواجہ گیسودراز صاحب انجام دیں گے ۔جلسہ کے فوری بعد محفل سماع منعقدہوگی ، جناب عبدالرئوف بندہ نوازی گلبرگہ، و مولا ورثی الند شریف نعتیہ و مقبتی کلام پیش کریں گے ۔ جناب محمد ابوالفیض سالارجنگ نے عاشقانِ اولیاء ،معتقدین و وابستگانِ سلسلہ سے کثیر تعداد میں شرکت کی اپیل ہے ۔
