منااکھیلی۔ 24؍جولائی (عبدالقدیر لشکری): ایم ایل اے بیدرجنوب ڈاکٹر شیلندر بیلداڑے نے بیدر ضلع کے چٹگوپہ تعلقہ کے سرکاری اسپتال کا دورہ کیا، اس کا معائنہ کیا اور اسپتال میں زیر علاج لوگوں کی صحت کے بارے میں دریافت کیا۔اسپتال میں زیر علاج لوگوں کو مرکزی اور ریاستی حکومت کی سہولیات ملنی چاہئیں، ہر ایک کو آیوشمان کارڈ جاری کیا جائے اور اس کے فوائد کے بارے میں جانکاری دی جائے۔ انہوں نے تجویز دی کہ کسی بھی وجہ سے ہسپتال آنے والے لوگوں کو اس بات کو یقینی بنایا جائے کہ کوئی پریشانی نہ ہو۔اس موقع پر تحصیلدار منجوناتھ پنچال، قائدین سنتوش ریڈی، جگناتھ ماجے، راجا شیکھر نوبادے، راج ریڈی، دلیپ اور دیگر موجود تھے۔اس بات کی اطلاع رکن اسمبلی کے ذرائع نے دی ہے۔
