ضمیر پر چند قطعات

اسماعیل قمر بستوی

 ہم اپنے والدین کو رسوا نہ کریں گے

ایمان کا اپنے کبھی سودا نہ کریں گے

نقصان پا نفع ہو قمر کاروبار میں

اپنا ضمیر بیچ کے دھندا نہ کریں گے

،،،،،،،،،،،،،،،،،،،،،،،،،،،،،،،،،،،،

ضمیر بیچ کے جو روٹیاں کماتے ہیں

وہ اپنے آپ پہ ہر روز ظلم ڈھاتے ہیں

انھیں پتہ ہی نہیں مقصدِ حیات ہےکیا

وہ اپنی عمر جہاں میں قمرگنواتے ہیں

،،،،،،،،،،،،،،،،،،،،،،،،،،،،،،،،،،،،،،،،،،،

خداکے درکےسوا سرجھکا نہیں ہے مرا

امیرِ شہرسے کہدو خدا نہیں ہے مرا

کسی کےدرپہ کروں کیسے جبہ سائ قمر

ابھی ضمیر ہے زندہ مرا نہیں ہے مرا

،،،،،،،،،،،،،،،،،،،،،،،،،،،،،،،،،،،

ضمیر بیچ کے دولت نہیں قبول مجھے

یقین کیجیے شوکت نہیں قبول مجھے

میں اپنے نام کی تشہیر کرنہیں سکتا

کبھی خرید کے شہرت نہیں قبول مجھے

،،،،،،،،،،،،،،،،،،،،،،،،،،،،،،،،،،

ضمیر مرگیا جس کا وہ مر گیا سمجو

وہ اپنی قبر کے اندر اتر گیا سمجو

ضمیر بیچ کے جو جی رہا ہے دنیا میں

لٹاکے سب وہ جہاں سے گزر گیا سمجھو

،،،،،،،،،،،،،،،،،،،،،،،،،،،،،،،،،،

وہی کسی سے ڈرا نہیں ہے

ضمیر جس کا مرا نہیں ہے

دلوں کا مرنا ہے بےضمیری

تجھے ابھی تک پتا نہیں ہے