ذکی طارق بارہ بنکوی
سعادت گنج، بارہ بنکی یوپی، انڈیا
چاہئے تکمیل کی منزل کو پانے کے لئے
مجھ کو اک کردارِ نسوانی فسانے کے لئے
اب فقط اس زندگانی کے سوا اے میرے یار
اور باقی کیا بچا تجھ پر لٹانے کے لئے
تیرے بن جی ہی نہیں پاؤں گا اب یہ زندگی
کیا کروں آخر تجھے اپنا بنانے کے لئے
آپ کو حساس نظریں رکھنی ہوں گی آنکھ میں
میرے دل کی کیفیت کو جان پانے کے لئے
جسم کی قربت سے رہنا ہوگا جاناں دور دور
زندگی بھر پیار کی لذت اٹھانے کے لئے
میں نے جس کے واسطے ٹھکرا دیا سنسار کو
اف اسی نے مجھ کو چھوڑا ہے زمانے کے لئے
لے لو اپنے خوبرو لب سے ہمارا نام بھی
تم ہمارے نام کی قیمت بڑھانے کے لئے
