اسماعیل قمر بستوی
مل کے رہیے پیار کی تاکہ فضا باقی رہے
بھائی چارے کا چمن میں سلسلہ باقی رہے
دشمنی اتنی بھی کریےنہ کسی سےاےقمر
کوئ ملنے کابھی اس سے راستہ باقی رہے
،،،،،،،،،،،،،،،،،،،،،،،،،،،،،،،،،،،
دل سے رکھیے واسطہ امداد کا
دےگا مولیٰ کل صلا امداد کا
قہر ڈھایا ہے جہاں سیلاب نے
بندنہ ہو سلسلہ امداد کا
،،،،،،،،،،،،،،،،،،،،،،،،،،،،،،،،،،،،،،،،،
آدمی کو آدمی کے کام آنا چاہیے
بڑھ کےہراک کوگلے اپنے لگانا چاہیے
سلسلہ ملنے ملانے کا قمر باقی رہے
کام سے انسانیت کا قد بڑھانا چاہیے
،، ،،،،،،،،،،،،،،،،،،،،،،،،،،،،،،،،،،،،
گفتگو کا ہرکسی سے سلسلہ جاری رہے
راستہ یہ بند نہ ہو راستہ جاری رہے
آدمیت کےلئے یہ بھی ضروری ہےقمر
چارسوکہ چشمۂ عشق ووفاجاری رہے
،،،،،،،،،،،،،،،،،،،،،،،،،،،،،،،،،،،،،،
سلسلہ ہو آدم سے رابطہ ضروری ہے
خاک پہ محبت کاراستہ ضروری ہے
کوئ رہ نہ پاءےگا دیرتک قمر تنہا
راہِ زندگانی میں واسطہ ضروری ہے
،،،،،،،،،،،،،،،،،،،،،،،،،،،،،،،،،،،،،،،،،
آنے جانے کا سلسلہ رکھیے
زندگی کم ہے رابطہ رکھیے
دشمنی لاکھ ہو قمر لیکن
کوئی ملنے کا راستہ رکھیے
